Blockchain TRON អាចនឹងបើកអោយមានការវេរកាក់ Stablecoin ដោយមិនអស់ Gas fee

លោក Justin Sun ជាស្ថាបនិករបស់គម្រោង Tron បានប្រកាសអោយដឹងក្នុង Twitter (X) របស់លោកថា “ក្រុមការងាររបស់ Tron កំពុងតែធ្វើការទៅលើគម្រោងបើកអោយវេរកាក់ Stablecoin ដោយមិនអស់ Gas Fee ដែលអាចនឹងបើកអោយប្រើប្រាស់ក្នុងត្រីមាសទីបួននៃឆ្នាំនេះ”។

តាមការប្រកាសរបស់លោកបានអោយដឹងថាដំបូងអាចនឹងដាក់មុខងារនេះអោយប្រើប្រាស់ក្នុង Tron សិនតែនៅថ្ងៃអនាគតអាចនឹងពង្រីកដល់ក្នុង Blockchain Ethereum និង Blockchain ដ៏ទៃផ្សេងទៀតដែលប្រើប្រាស់ EVM (Ethereum Virtual Machine)។

តើគាត់អាចអោយអ្នកប្រើប្រាស់វេរកាក់ដោយមិនអស់ Fee បែបណា?

ជាទូទៅដូចដែលយើងធ្លាប់បានដឹងនៅពេលដែលយើងវេរកាក់យើងតែងតែត្រូវការកាក់របស់ Blockchain នោះដើម្បីបង់ថ្លៃ fee ដូចជាត្រូវការកាក់ ETH ក្នុង Ethereum, TRX ក្នុង Tron ជាដើម។តែសម្រាប់មុខងារថ្មីនេះគឺអ្នកប្រើប្រាស់មិនចាំបាច់មានកាក់ ETH ឬ TRX ទេគឺ Gas fee នឹងត្រូវបានដកពីកាក់ Stable coin ដែលយើងបានវេរតែម្តងដោយវានឹងធ្វើការដកកាក់ Stablecoin តាមចំនួនកាក់ ETH ឬ TRX ដែលយើងត្រូវបង់ជូន Validator តែម្តង។

ការធ្វើបែបនេះជួយសម្រួលដល់អ្នកប្រើប្រាស់ដោយមិនចាំបាច់អោយពួកគេត្រូវមានកាក់ច្រើនប្រភេទដើម្បីវេរកាក់ Stable coin នោះទេ។ហើយ Validator អាចនឹងត្រូវ Update Software របស់ពួកគេនៅពេលដែលវាត្រូវបើក។

ប្រភព: Cryptopolitan