ក្រុមហ៊ុន Pantera ត្រៀមលុយទិញកាក់ SOL ក្នុងតម្លៃថោកជាងទីផ្សារ

យោងតាម Bloomberg ដែលបានរាយការណ៏កាលពីថ្ងៃព្រហស្បត្តិ៏នេះបានអោយដឹងថា ក្រុមហ៊ុនវិនិយោគគ្រ៊ីបតូឈ្មោះ Pantera Capital បានកំពុងត្រៀមលុយដើម្បីទិញកាក់ SOL ពី FTX។ ក្រុមហ៊ុន Pantera បានអោយអ្នកវិនិយោគដឹងថាខ្លួនមានឱកាសក្នុងការទិញកាក់ SOL ដោយគិតជាទឹកលុយសរុបចំនួន 250 លានដុល្លារក្នុងតម្លៃក្រោមទីផ្សារដល់ទៅ 39% គឺតម្លៃ 59.95$ ក្នុងមួយ SOL។ ការទិញនេះគឺប្រើពេលយ៉ាងតិចណាស់ 4 ឆ្នាំទើប Pantera អាចទទួលបានកាក់ SOL ទាំងនោះអស់ ហើយវានឹងជួយ FTX អាចរកផ្លូវក្នុងការលក់កាក់ SOL របស់ខ្លួនបាន រួមទាំងជាផ្លូវដោះស្រាយបំណុលមួយដ៏ល្អសម្រាប់FTX ផងដែរ។

ប្រភព: coindesk

---

FTX បានដោះស្រាយជាមួយក្រុមហ៊ុន Blockfi ដោយយល់ព្រមសង Blockfi ក្នុងចំនួនលុយ 874.5 លានដុល្លារនិងដកពាក្រតវ៉ា។ចំនួនលុយ 874.5 លានដុល្លារនេះគឺ Blockfi ទទួលបានពី ftx.com ដែលបានជាប់លុយអ្នកវិនិយោគ Blockfi ចំនួន 185.2 លានដុល្លារ និង ពីក្រុមហ៊ុន Alameda Research ចំនួន 689.3 លានដុល្លារដែលបានជំពាក់ Blockfi។ Blockfi បានអោយដឹងថា FTX ជំពាក់លុយខ្លួនជាង 1 ពាន់លានដុល្លារដែលក្នុងនោះមាន 400 លានដុល្លារពាក់ព័ន្ធនឹង FTX និងមាន 900 លានដុល្លារទៀតពាក់ព័ន្ធជាមួយ Alameda Research។រីឯក្រុមហ៊ុន Blockfi មានបំណុលជាប់ខ្លួនជាង 10 ពាន់លានដុល្លារនិងមានម្ចាស់បំណុលប្រមាណ 100,000 អ្នកនិងមានម្ចាស់បំណុលធំៗចំនួន 3 ដូចជា ជំពាក់ Three Arrows Capital ចំនួន 220 លានដុល្លារ។

ប្រភព: cointelegraph