ក្រុមហ៊ុនហិរញ្ញវត្ថុ ហុងកុង RD InnoTech នឹងដាក់អោយប្រើកាក់ Stable Coin ហុងកុងនៅក្នុង Blockchain Ethereum

ក្រុមហ៊ុនហិរញ្ញវត្ថុរបស់ ហុងកុង RD InnoTech នឹងបង្កើតកាក់ Stable coin (HKDR) ដែលមានតម្លៃធៀបស្មើរនឹងតម្លៃលុយដុល្លារហុងកុងអោយប្រើប្រាស់ក្នុង Blockchain Ethereum។ ការបង្កើតកាក់ Stable coin នេះគឺស្ថិតនៅក្រោមកម្មវិធីមួយដែលមានឈ្មោះថា Stablecoin Issuer Sandbox របស់អាជ្ញាធររូបិយវត្ថុហុងកុង។កម្មវិធីនេះគឺតម្រូវអោយ RD InnoTech ធ្វើតេស្តទៅលើ Stablecoin របស់ពួកគេលើផ្នែកសុវត្ថិភាព, ស្ថេរភាព និង ការប្រើប្រាស់ជាមុនសិនមុននឹងដាក់អោយប្រើប្រាស់ជាសាធារណ:។ RD InnoTech នឹងព្យាយាមធ្វើអោយកាក់ Stablecoin មួយនេះអាចប្រើប្រាស់ និងមានភាពគួរអោយជឿទុកចិត្តដូចលុយដុល្លារហុងកុងតាមរយ:ការរក្សាលុយធានានៅក្នុងស្ថាប័នដែលមានច្បាប់ត្រឹមត្រូវ។

ហើយដើម្បីរក្សាតម្លាភាព RD InnoTech បានជួលក្រុមហ៊ុនទីបីដើម្បីអោយធ្វើសវនកម្មអោយបានទៀងទាត់។លើសពីនឹងទៅទៀត RD InnoTech ក៏មានបំណងដាក់អោយប្រើប្រាស់កាក់នេះនៅក្នុង វេបសាយជួញដូរគ្រ៊ីបតូឈ្មោះ HashKey ផងដែរ។

ប្រភព: Cryptotvplus