ក្រុមហ៊ុន Celsius ប្តឹងក្រុមហ៊ុន Tether ទារសំណងជាង 3.5 ពាន់់លានដុល្លារ

ក្រុមហ៊ុនក្ស័យធន Celsius បានដាក់ពាក្របណ្តឹងក្រុមហ៊ុន Tether ពីបទរក្សាទ្រព្យសម្បត្តិខ្លួនមិនសាកសមនិងទារសំណងជាង 3.5 ពាន់លានដុល្លារ។

Tether រាយការណ៏មកថាក្រុមហ៊ុន Celsius ទារសំណង 2.4 ពាន់លានដុល្លារជាកាក់ BTC តែបើយោងតាមឯកសារតុលាការជាសាធារណ:បានអោយដឹងថា​ Celsius ទារសំណងជាកាក់ចំនួន 57,428.64 BTC។

បទប្តឹងរបស់ Celsius ទៅលើ Tether

កំលុងពេលដែល Celsius កំពុងដាក់ពាក្រក្ស័យធនក្រុមហ៊ុន Tether បានអោយ Celsius ខ្ចីកាក់ USDT ដោយក្រុមហ៊ុន Celsius ត្រូវយកកាក់ BTC មកតម្កល់ចំនួន 39,542.42 BTC។ពេលដែលតម្លៃកាក់ BTC ធ្លាក់ថ្លៃក្រុមហ៊ុនCelsius ត្រូវយកកាក់ BTC មកតម្កល់បន្ថែមពុំនោះទេកាក់ដែល Celsius យកមកតម្កល់ទាំងប៉ុន្មាននឹងត្រូវបានលក់។​Celsius ចោទថា Tether បានលក់កាក់ BTC តម្កល់របស់ខ្លូននៅតម្លៃដែលក្បែរបំណុលដែលខ្លួនបានជំពាក់ Tether អត់អោយឧកាសខ្លួនក្នុងការយកកាក់ BTC មកតម្កល់បន្ថែម។

ក្រុមហ៊ុន Tether បានតបថាក្រុមហ៊ុនCelsius ជាអ្នកដែលមិនព្រមដាក់កាក់ BTC បន្ថែម​ហើយយល់ព្រមអោយលក់កាក់ BTC​ ទាំងនោះដោយខ្លួនឯងទេ។

សរុបមក​​Celsius ទារសំណង 57,428.64 BTC ដែលស្មើរទៅនឹង 3.48 ពាន់លានដុល្លារនិងប្រាក់សំណង 100 លានដុល្លារបន្ថែមទៀត។

ប្រភព: Cointelegraph